قصص رعب العالم السفلي
سجل بالمنتدي
وأعرف المزيد

هل سيعودون

استعرض الموضوع السابق استعرض الموضوع التالي اذهب الى الأسفل

هل سيعودون

مُساهمة من طرف Admin في الإثنين يونيو 15, 2015 3:41 am

اسمى فيلوباتير ايهاب طالب فى كلية الطب كنت متفوق جدا فى دراستى و كان اهلى كلهم اما دكاترة او مهندسين و فى يوم عزلت مع اهلى من البيت لمكان تانى و كان البيت جميل جدا و واسع و فى منطقة هادئة جدا بس كان شكله قديم فسالت ناس من جيرانى عنه فقالوا انه بيت من القرن16 و حصل فى البيت دة فيه حادثة غريبة كانوا بيقولوا ان البيت دة اتحرق و كان جواه عائلتين من اكبر عائلات مصر فى القرن 16 فكان الناس بيحكوا عنه حاجات غريبة جدا فكانوا مرة بيقولوا انهم بيسمعوا صوت موسيقى كلاسيكية و ناس كتير بتكلم بعض و كان فى ناس تانية بيقولوا انهم شافوا شاب و امراة بيمشوا فى طرقات البيت وصاحب البيت اخد كل اثاث البيت معاه ما عدا حاجة واحدة بس



الحاجة دى هى لوحة قديمة موجودة امام باب الشقة مرسوم فيها عروسين وكانوا تقريبا فى منتصف العشرينات و رغم ان اللوحة دى شكلها عادى جدا الا انى لما كنت بحاول اتامل فيها بحس برعب شديد جدا بسبب نظرتهم المخيفة و الغامضة بالنسبة لى وبعد اسبوع كنت سهران فى وقت قريب من الفجر قاعد قدام التليفزيون و كان مكان التليفزيون جنب اللوحة دى لان منظر اللوحة كان جميل بالنسبة لأمى حسيت بان فى حركة غريبة جوا اللوحة حسيت تقريبا ان000حسيت ان اللى جوا اللوحة عايز يوصلى رسالة انا مش قادر افهمها محطيتش فى بالى و بعد شوية حسيت بالجوع فقمت اجيب حاجة اكلها من المطبخ و فجاه سمعت صوت غريب جاى من ناحية اللوحة دى سمعت صوت زى ما يكون صوت همس بين اتنين قاعدين بيتكلموا مع بعض و زى ما يكونوا مش عايزينى اسمعهم ماهتميتش و قلت تخيلات بسبب السهر و فجاة سمعت صرخة قوية جدا


المرة دى بجد دة مش تخيل طلعت اجرى اشوف ايه اللى حصل لقيت ان اللوحة وقعت من مكانها و عليها اثار دم حاولت انى اصحى حد من أهلى و داخل مكان اوضة نوم ابويا علشان هو اللى هيقدر يساعدنى و بفتح باب الاوضة بتاعته ملقيتهوش هو ولا أمى رحت ادور على اخويا برده ملقيتهوش انا تقريبا تقدروا تقولوا بقيت وحدى فى المكان الغريب دة قعدت قدام اللوحة افكر فى حل لكن حصل اللى عمرى ما توقعت انه يحصل ابدا لقيت ان فى نقط سودا طالعة من اللوحة و بعدها لقيت انسان قدامى و لقيت بالتدقيق فى ملامحه انه شبه الشاب اللى فى الصورة و لقيته بيقولى بصوت مرعب "رئيسنا امر انه يتكتبلك عمر جديد و منقتلكش لكن لو ماخدتش عيلتك و مشيتوا من الشقة دى انا مش هقتلكم لكن هخليكوا تتمنوا الموت بحق كل لحظة عيشتوها فى البيت دة ".


وبعدها صرخ صرخة كانها صرخة الالم و الانتقام و خرج من جنب اللوحة حيوان غريب بوجه انسان و حاول الهجوم على فهربت منه و حاولت اروح لابعد غرفة فى الشقة و هى غرفة اخى و حاولت فتحها و اتفتحت المرة دى بس كانت ضلمه اوى و حاولت افتح النور لكنه مش موجود فولعت شمعة كانت جنبى و بصيت جوة الغرفة ولقيت فيها اغرب حاجة ممكن تلاقيها فى اى غرفة نوم طبيعية.


لقيت ان الاوضة كلها مليانة توابيت ملفوفة بسلاسل حديدية مقفوله باقفال قوية جدا و فجاة لقيت ان التوابيت دى بتتفتح بالترتيب و يخرج منها اشخاص لابسين ملابس قديمة جدا خاصة بمناسبات زى الافراح و فى اللحظة دى اتاكدت ان كل اللى قالهولى جيرانى كان صح و حاولت اقاومهم لكن بعد طول مقاومتى ضربنى واحد منهم و فقدت الوعى.

وبعد ما رجعلى الوعى لقيت ان الساعة بقت 6 الصبح و انا مرمى على الارض و اهلى واقفين حواليا قولتلهم بعصبية شديدة : انتوا كنتوا فين البيت بيتقلب و انا ملاقيش ولا واحد منكم فيه و كلكم نايمين لكنى ملقتش منهم غير نظرات كلها دهشة و استغراب و لقيت بعدها ابويا بيقولى على فكرة انت اللى مكنتش طبيعى النهاردة انت كنت ماشى فى البيت و تكسر فى كل حاجة تشوفها مالك ايه اللى حصل حكيتلهم على كل التفاصيل اللى شفتها كاملة و لكن طبعا محدش صدقنى و قالوا عليا انى مجنون لكنى متاكد ان كل اللى انا شوفته حصل بالتفصيل الممل.



قعدت الف فى الشقة ادور على دليل على كل اللى انا شفته لقيت ان ورا اللوحة الدم اللى شفته لما رجعت و لقيتها واقعة على الارض و جاكيت بدلة قديمة جدا لدرجة انه لما حاولت مجرد انى امسكها اتقطعت و طبعا بلغت اهلى باننا لازم نمشى من البيت دة فى خلال شهر لكن للاسف محدش صدقنى.


و بقت تحصل حوادث غريبة وسط فترة الشهر دة فكانت بتحصل حوادث غير مبررة يعنى مثال للى كان بيحصل ان ابويا بيعمل حوادث و هو سايق و كان البيت بيتكسر فيه الادوات و التحف من غير سبب لغاية ما خلصت مهلة الشهر و زادت الحوادث دى بشكل اكبر و اخطر لدرجة ان ابويا عمل حادثة و كان ساعتها حالته خطر جدا و كان اهلى بيقولوا ان ده قضاء و قدر فقررت انى اواجه الامر بنفسى.


قررت انى اتخلص من اللوحة فشيلتها من مكانها و طلعت برة البيت و رميتها فى مقلب نفايات ورجعت لقيت اللوحة فى مكانها و طلعلى الشاب دة منها و قالى متحاولش تتخلص مننا لان ده بيتنا من اكتر من 500 سنة وهتشوف الويل منا انت و عائلتك فاشار ناس على انى اروح لدجال اسمه الشيخ فضل فرحتله و قالى ان اللوحة مسيطر عليها روح من الشياطين يتنتقم للناس دى من اى حد يسكن بعدهم ظنا منه انه هو السبب فى حرقهم و انى لازم اتخلص منها بوضعها فى مقبرة حديثة.



كنت خايف اعمل زى ما قالى لكنى عايز اتخلص من كل المشاكل اللى بتحصلى فقررت انى انفذ كلامه اللى هو قاله بالحرف و الكلمة ودلنى على مكان المقبرة و رحت مع واحد من اصحابى و كان اسمه سمير رحت انا و هو للمقبرة دى وهو بيحاول يقنعنى ارجع عن اللى فى دماغى لكنى اصريت رحت للمكان ده و كان هادئ جدا وفجاه ظهر لنا من وسط الضلمه اللى موجودة شخص ضخم جدا و قالنا بتعملوا ايه هنا انت و هو فشرحناله مكان المقبرة اللى احنا عايزين نروحها.


فلما عرف المكان بان عليه علامات الارتباك الشديد و قالنا بلاش تروحوا دلوقتى علشان متاذوش نفسكم و تاذونى معاكم لكنى كملت طريقى و مصدقتش كلامه وفى وسط ما كنت ماشى اختقى الغفير مع اننا مبعدناش كتير خاف سمير وطلب اننا نرجع و اصر المرة دى فقلت له اننا مجرد نعرف مكان المقبرة و نرجع و كملت مسافه و طلبت منه ييجى ورايا لكنه اختفى فجاة.


بدأت اقلق و افتكر كلام الغفير لكنى كملت اهون من العذاب اللى كنت شايفه فدخلت المقبرة و كسرت اللوحة و فى نفس اللحظة انطفى نور الكشاف اللى كان معايا و سمعت اصوات ناس كتير بتحيط بى فى غضب فجريت مسافة كبيرة فخبطت رجلى فى شوال ففتحته لقيت فيه جثة الغفير اللى حذرنى لكنى استمريت فى الجرى و انا مرعوب و بعدها خبطت فى شوال تانى لقيت فيه جثة سمير اللى كان معايا و لكنى عرفت اهرب منهم و تخلصت من اذى اللوحة اخيرا و رجع الهدوء للبيت.


ودلوقتى انا عايش فى نوعين من العذاب الاول هو عذاب الضمير بسبب سمير و اللى حصله بسببى و اهله اللى بقالهم 4 سنين بيدوروا عليه و ايمان امه بانه هيرجعلها و التانى هو عذاب الخوف من تكرار مأساة اللوحة دى بطريقة او اخرى معايا او مع حد غيرى و لحد دلوقتى فى سوال مش لاقى ليه اى اجابة.


هل سيعودون ؟
النهاية


Admin
Admin

المساهمات : 24
تاريخ التسجيل : 15/06/2015
العمر : 15

معاينة صفحة البيانات الشخصي للعضو http://roblntnsaha.forumslife.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى