قصص رعب العالم السفلي
سجل بالمنتدي
وأعرف المزيد

انتقام من نوع خاص

استعرض الموضوع السابق استعرض الموضوع التالي اذهب الى الأسفل

انتقام من نوع خاص

مُساهمة من طرف Admin في الإثنين يونيو 22, 2015 12:36 am

قصة(انتقام من نوع خاص)

اسمي هند عندي 20 سنه انا والدتي توفت وهي بتولدني وماعنديش غير والدي الي هو مسافر في دوله من دول الخليخ وانا هنا في مصر علشان اكمل تعليمي والدي على طول بيبعتلي فلوس وعايشه في الشقه بتاعتنا وكانت الحياه ماشيه عادي جدا لحد في يوم اتغير كل ده .
كنت في الكليه واتخانقت مع شاب والخناقه كبرت بقا لما قالي : انتي اصلا مامتك مهمله عمرها مافكرت تربيكي كويس ولا عمرنا شوفناها يظهر انها بتكرهك ومش عايزاكي تكوني بنتها
انا سكت مارديتش جت واحده زميلتي هزاته جامد واخدتني من ايدي ومشينا وانا مصدومه روحتني البيت واتطمنت عليا ومشيت انا دخلت على السرير وقعدت اعيط جامد واكلم نفسي
ليه ياماما سيبتيني ليه حرام عليكي بتخليهم يعملوا فيا كده هم مايعرفوش انك متوفيه
وماحستش بنفسي ونمت
صحيت تاني يوم وانا بفكر ازاي انتقم منه لحد ما افتكرت انه بيعشق الجن وماوراء الطبيعه وبيشتري الكتب دي ضحكت وقلت في سري هو الي جابه لنفسه
روحت بسرعه لواحد اسمه هشام ساكن قريب مننا انا اعرف انه دجال له في السحر والحاجات دي وقفت قدام العماره لقيت البواب بيبصلي ابتسمت له ورد لي الابتسامه وقلتله هو الاستاذ هشام موجود؟؟
وشه اتقلب وكشر وقالي : انا مش فاهم المصايب دي بتتحدف علينا منين اهو قاعد في الدور التاني
طلعت جري وخبطت الباب مره واتنين كنت همشي بس فتح الباب
اتلفت ورايا بسرعه لقيت شاب عنده حوالي 25 سنه مش باين انه دجال خالص فتح الباب وقالي : اي خدمه
قلتله : اه انا محتاجاك في خدمه ضروري انا كنت عا....
قاطعني بسرعه : مش هنا اتفضلي
وفتح الباب دخلت البيت كان عادي جدا مش زي ما الناس بتقول البيت ضلمه والحيطان سوده ومكتوب عليها كلام غريب مافيش اي حاجه من دي خالص بالعكس البيت منظم جدا
دخلت وهو قدامي شاورلي اقعد وقالي : اتفضلي ازاي اقدر اخدمك
حكيتله كل حاجه من البدايه للنهايه
قالي يعني عايزه تسلطي عليه جن ؟؟
قلتله ايوه
رد عليا استنيني هنا شويه مشي ودخل اوضه جاب منها كتاب كبير ودفتر صغير وقلم احمر
فتح الكتاب و مسك الدفتر وبدا يكتب فيه حاجات كتير كده
واداني الورقه وقال ده طلسم الي يقراه هيحضر جن اسمه ****** ده لو حد حضره مش هينصرف ابدا بس الجن ده له طلاسم تانيه لو اسامه الي انتي عايزه تسلطيه عليه قراها السحر ده هيتفك وساعتها ممكن يعرف انك انتي الي سلطتيه عليه من الجني
قلتله ماشي
قالي خدي بالك اياكي تقراي الورقه والا الجن هيحضرلك انتي بس هو لازم يقرا الورقه يعني حطيها في شنطته او اي حاجه
ابتسمت له وطلعت 100 جنيه من شنطتي واديتهاله
ابتسم لي ورجع القلوس وقال خلي فلوسك معاكي انا مش نصاب
روحت البيت كانت الساعه عشره انا ورايا محاضره الساعه 11 لازم اروح الكليه حالا
نزلت بسرعه وروحت الكليه وانا بدور عن اسانه في كل حته بعيني ومش لاقياه طلعت المكتبه لقيته قاعد وقدامه كتب كتير حوالي خمسه قعدت بعيد عنه شويه مستنياه يقوم هحط الورقه في شنطته او في كتاب وامشي على طول
عدت ربع ساعه وهو لسه قاعد
وانا مستنياه بفارغ الصبر لحد ماقام علشان يرجع كتاب كان في ايده جريت ناحيه كتبه وحطيت الورقه في واحد منهم ومشيت بسرعه ونزلت على المحاضره وكنت خايفه وطول مانا في المحاضره مش مركزه وسرحانه لحد ماخلصت وروحت وقررت اني مش هروح الجامعه لمده اسبوع كان كل يوم بيمر عليا بقلق اكتر لحد ماقررت اني اتصل عليه اخدت موبايلي واتصلت عليه من غير تردد ورن الجرس مره واتنين وتلاته لحد مافتح
:ايوه.... محمودتعالى بسرعه انا محتاجك اووي في حاجات غريبه بتحصلي محمود تعالى ارجوك
قفلت السكه في وشه وبدات احس بالندم انا كده ضيعت مستقبله
عدى يوم واتنين وتلاته وقرت اني انزل الجامعه لبست وروحت واول مادخلت لقيت اسامه في وشي ابتسم لي بخبث وقال :ههههه مفكره انك لما تعمليلي عمل حياتي هتدمر لا بجد ابهرتيني طلعتي غبيه الي ماتعرفيهوش اني بعرف اتصرف مع الجان والجن الي سلطتيه عليا ده من اضعف الجان وعرفت اصرفه ياترى بقا انتي هتعرفي تصرفي الي سلطته عليكي ؟؟
تمت

Admin
Admin

المساهمات : 24
تاريخ التسجيل : 15/06/2015
العمر : 15

معاينة صفحة البيانات الشخصي للعضو http://roblntnsaha.forumslife.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى